Blog

காசிமேடு மீன்பிடித் துறைமுகத்தில் இருந்து மீன் பிடிக்கச் சென்று மாயமான 9 மீனவர்களில், 7 பேரின் உடல்கள் ஏற்கெனவே கரை ஒதுங்கிய நிலையில், மேலும் இருவரின் உடல்களும், ஆந்திர மாநிலம் கொத்தப்பட்டினம் அருகே கரை ஒதுங்கின. இருவரின் உடல்களும் உடற்கூறாய்வுக்குப் பிறகு உறவினர்களிடம் ஒப்படைக்கப்பட்டு, ஆம்புலன்ஸ் மூலம் சென்னைக்கு அனுப்பி வைக்கப்பட்டன.

சென்னை காசிமேடு மீன்பிடித் துறைமுகத்தில் இருந்து கடந்த மாதம் 29-ஆம் தேதி, செல்வழகன் என்பவருக்குச் சொந்தமான விசைப்படகில், படகு ஓட்டுநர் சூர்யா உள்ளிட்ட 9 மீனவர்கள் ஆழ்கடலில் மீன்பிடிக்கச் சென்றனர். ஆந்திர மாநிலம், நிஜாம்பட்டினம் அருகே மீன்பிடித்துக் கொண்டிருந்தபோது, புயல் எச்சரிக்கை காரணமாகப் பாதுகாப்பு கருதி நிஜாம்பட்டினம் துறைமுகத்தில் விசைப்படகை அவர்கள் நிறுத்தியுள்ளனர்.

இதையடுத்து, மீண்டும் அவர்கள் கடலுக்குள் மீன்பிடிக்கச் சென்றபோது, நடுக்கடலில் விசைப்படகின் எஞ்சின் திடீரென பழுதடைந்துள்ளது. இதுகுறித்து, அருகில் இருந்த மற்றொரு விசைப்படகிற்கு கடந்த 3-ஆம் தேதி அதிகாலை 3.30 மணி அளவில் வயர்லெஸ் மூலம் தகவல் தெரிவித்துள்ளனர். அதன்பிறகு அந்த 9 மீனவர்களையும் தொடர்புகொள்ள முடியாமல் போனது.

பெரியார் அறிவுலக நூலகத்தில் புத்தகங்கள் வாங்குவதில் முறைகேடு நடந்ததாகக் கூறப்படும் விவகாரத்தில், பொது நூலக இயக்குநராக இருந்த ஜெயந்தி ஐஏஎஸ் அந்த பொறுப்பில் இருந்து விடுவிக்கப்பட்டுள்ளார்.

அதாவது, பெரியார் அறிவுலக நூலகத்திற்கு ’அகல் விளக்கு பதிப்பகம்’ என்ற பதிப்பகத்தில் இருந்து பல லட்சம் ரூபாய்க்கு புத்தகங்கள் கொள்முதல் செய்யப்பட்டுள்ளன. மேலும், வழக்கமாக 300 ரூபாய்க்கு விற்பனை செய்யப்படும் புத்தகங்களின் விலை சுமார் ரூ.1,395 கொடுத்து வாங்கி இருப்பதாகவும் எழுத்தாளர் பெருமாள் முருகன் குற்றஞ்சாட்டி இருந்தார்.

இதனைத் தொடர்ந்து, பெரியார் அறிவுலகத்திற்கு புத்தகங்கள் கொள்முதல் செய்த விவகாரம் தொடர்பாக பதிலளித்த அமைச்சர் ராஜ்மோகன், இந்த நூலகத்திற்கு புத்தகங்கள் கொள்முதல் செய்வதற்கான குழு கடந்த திமுக ஆட்சியில், நவம்பர் மாதம் அமைக்கப்பட்டு அரசாணை வெளியிடப்பட்டுள்ளது.

இதனைத் தொடர்ந்து, புத்தக கொள்முதல் முறைகேடு தொடர்பாக, ஊழல் தடுப்பு மற்றும் கண்காணிப்பு இயக்குநரிடம், திமுக தரப்பிலும் புகாரளிக்கப்பட்டுள்ளது. இந்நிலையில், பொது நூலகத்துறை இயக்குநர் ஜெயந்தி ஐஏஎஸ்-ஐ மாற்றம் செய்து தமிழ்நாடு அரசு உத்தரவிட்டுள்ளது.

அதில், ஆசிரியர் தேர்வு வாரிய தலைவராக உள்ள ஜெயந்தி ஐஏஎஸ், பொது நூலகத்துறை இயக்குநராக கூடுதல் பொறுப்பு வகித்து வந்தார். இந்நிலையில், ஜெயந்தி ஐஏஎஸ் கூடுதல் பொறுப்பு வகித்து வந்த நூலகத்துறை இயக்குநர் பதவி திரும்பப் பெறப்பட்டுள்ளது. தொடர்ந்து, பொது நூலகத்துறையின் புதிய இயக்குநராக ஷஜீவனா ஐஏஎஸ் நியமிக்கப்பட்டுள்ளார்.

அதேவேளையில், ஜெயந்தி ஐஏஎஸ் ஆசிரியர் தேர்வு வாரியத் தலைவர் பொறுப்பில் தொடர்ந்து நீடிப்பார் எனத் தெரிவிக்கப்பட்டுள்ளது. பெரியார் அறிவுலகத்தில் புத்தகக் கொள்முதல் தொடர்பான சர்ச்சை தொடர்ந்து பேசப்பட்டு வரும் நிலையில், பொது நூலகத்துறை இயக்குநர் பொறுப்பில் செய்யப்பட்டுள்ள இந்த நிர்வாக மாற்றம் முக்கியத்துவம் பெற்றுள்ளது.

கல்லூரி மாணவர்களின் தொழில்நுட்பத் திறனை மேம்படுத்தும் வெற்றி மடிக்கணினித் திட்டத்தை செயல்படுத்த ரூ.2,000 கோடி ஒதுக்கீடு செய்து முதலமைச்சர் விஜய் உத்தரவிட்டுள்ளார்.

அதனைத் தொடர்ந்து, இதற்கான விரிவான வழிகாட்டு நெறிமுறைகள் மற்றும் நிதி ஒதுக்கீட்டிற்கான நிர்வாக அனுமதி அளித்து அரசாணை வெளியிடப்பட்டுள்ளது.

அதில், “வெற்றி மடிக்கணினித் திட்டத்தின் மூலம் 2026-2027-ஆம் கல்வியாண்டில் அரசு மற்றும் அரசு உதவிபெறும் கல்லூரிகளில் கலை மற்றும் அறிவியல், பொறியியல், பாலிடெக்னிக், ஐ.டி.ஐ (ITI), மருத்துவம், கால்நடை மருத்துவம், மீன்வளம், வேளாண்மை மற்றும் சட்டம் உள்ளிட்ட பல்வேறு கல்விப் பிரிவுகளில் பயிலும் முதலாம் ஆண்டு மற்றும் இரண்டாம் ஆண்டு இளநிலைப் பட்டப்படிப்பு (UG) மற்றும் பட்டயப்படிப்பு (Diploma) மாணாக்கர்கள் பயனடைவார்கள்.

தொடர்ந்து, பொறியியல் மாணவர்களின் தொழில்நுட்பக் கல்வித் தேவைகளை கருத்திற்கொண்டு, அவர்களுக்கு Intel Core i5 அல்லது அதற்கு இணையான உயர்தரத் தொழில்நுட்பத்துடன் கூடிய மடிக்கணினிகள் வழங்கப்படும்.

அரசியல் வெற்றிக்காக எங்களுக்கு ஆர்எஸ்எஸ் பாடம் தேவையில்லை என்று காங்கிரஸ் கட்சியின் மூத்த தலைவர் சோனியா காந்தி தெரிவித்துள்ளார்.

காங்கிரஸ் நாடாளுமன்றக் குழுத் தலைவரான சோனியா காந்தியின் சுயசரிதை நூலான ‘Belonging: A Journey of Love’ வெளியீட்டிற்கு முன்னதாக, ஆங்கில நாளிதழ் ஒன்றுக்கு அவர் பேட்டி அளித்தார். அதில் அவர், ‘கடந்த 12 ஆண்டுகளில் நாட்டின் கட்டமைப்பு, ஜனநாயகம், தேர்தல் ஆணையம் போன்ற தன்னாட்சி பெற்ற அரசு நிறுவனங்கள் கடுமையாக சீரழிக்கப்பட்டுள்ளன’ என குற்றம்சாட்டினார்.

மேலும், ‘இந்த அரசு பதவியில் இருந்து விலகினாலும் கூட, சிதைக்கப்பட்ட நமது அரசு அமைப்புகளை மீண்டும் சீரமைப்பதற்கு நீண்ட காலமும், அரசியல் கட்சிகளின் கடுமையான உழைப்பும் தேவைப்படும்’ என்றும் அவர் எச்சரித்தார்.

மோடி தலைமையிலான பாஜக ஆட்சியின் பாதிப்புகளை தற்போது உணர தொடங்கியுள்ளதால், மக்கள் மத்தியில் ஒருவித அதிருப்தியும் அமைதியின்மையும் நிலவி வருவதாகவும் அவர் சுட்டிக்காட்டினார்.

காங்கிரஸ் கட்சியின் பின்னடைவு மற்றும் அதன் தற்போதைய நிலை குறித்த கேள்விக்கு பதிலளித்த சோனியா காந்தி, ‘பாஜக ஆட்சிக்கு வந்தது முதல் காங்கிரஸ் மற்றும் பிற எதிர்க்கட்சிகளுக்கு ஒரு சமமான அரசியல் களம் வழங்கப்படவில்லை என்பதை நாம் கவனிக்க வேண்டும்’ என்று கூறினார்.

அரசு நிறுவனங்களின் மீதான முழுமையான பிடி, தேர்தல் ஆணையத்தின் மீதான ஆதிக்கம், ஊடகக் கட்டுப்பாடு, பண பலம் மற்றும் மதவெறி பிரச்சாரம் ஆகியவற்றின் மூலமே தற்போதைய ஆட்சி எதிர்க்கட்சிகளை ஒடுக்க நினைப்பதாகவும் அவர் குற்றம்சாட்டினார்.

1975-1977 ஆண்டுகளில் அமலில் இருந்த நெருக்கடி நிலை குறித்த கேள்விக்கு பதில் அளித்த அவர், ‘வன்முறை சம்பவங்கள், அரசு அலுவலகங்களுக்கு தீவைப்பு போன்ற அசாதாரண சூழலை கட்டுப்படுத்தவே அப்போதைய பிரதமர் இந்திரா காந்தி முயன்றார். அவரே பின்னர் 1977 மார்ச் மாதத்தில் ஜனநாயக முறைப்படி தேர்தலை அறிவித்து, நிகழ்ந்த தவறுகளுக்குப் பகிரங்கமாக மன்னிப்புக் கேட்டார். ஆனால், மோடி தலைமையிலான ஆட்சி நெருக்கடி நிலை காலத்தை விட மிக மோசமாக உள்ளது’ என்றார்.

பிரதமர் நரேந்திர மோடியின் அரசியல் எழுச்சி குறித்து கேட்ட போது, ‘அவர் முற்றிலும் மாறுபட்டதொரு கருத்தியல் உலகத்தில் இருந்து வந்தவர் என்பது உண்மை தான்’ என்று சோனியா காந்தி கூறினார். இருப்பினும், காங்கிரஸ் கட்சிக்குள்ளேயே மன்மோகன் சிங் மற்றும் தற்போதைய காங்கிரஸ் தலைவர் மல்லிகார்ஜுன கார்கே போன்ற தலைவர்கள் தங்களது அசாத்திய உழைப்பால் உயர்ந்து சாதனை படைத்துள்ளதை சுட்டிக் காட்டிய அவர், ‘அரசியலில் வெற்றி பெறுவதற்கு நாங்கள் ஆர்.எஸ்.எஸ் அமைப்பிடம் இருந்து எந்தப் பாடமும் கற்கத் தேவையில்லை’ என்று திட்டவட்டமாகக் கூறினார்.

காங்கிரஸ் தலைவர்கள் மற்றும் தொண்டர்கள் பல்வேறு வழிகளில் பழிவாங்கல்களையும், அடக்குமுறைகளையும் எதிர்கொண்ட போதிலும், அரசியலமைப்புச் சட்டத்தின் விழுமியங்களை காக்க தொடர்ந்து கிராமப்புறங்கள் வரை போராடி வருவதாக அவர் பெருமிதம் தெரிவித்தார்.

அண்மைக்காலமாக நடந்த தேர்தல்களில் நடந்த முறைகேடுகள் குறித்து மக்கள் உணர்ந்துள்ளதாகவும், ஒத்த கருத்துடைய பிற எதிர்க்கட்சிகளுடன் இணைந்து காங்கிரஸ் வலுவான கூட்டணியை அமைத்து வருவதால், தங்களது அரசியல் எதிர்காலம் மற்றும் வெற்றி வாய்ப்புகள் நாளுக்கு நாள் பிரகாசமாகி வருவதாகவும் சோனியா காந்தி நம்பிக்கை தெரிவித்தார்.

24 மணி நேரமும் மருத்துவக் குழு

சென்னை எழும்பூர் குழந்தைகள் நல மருத்துவமனையில் 10 படுக்கையுடன் 24 மணி நேரமும் மருத்துவக் குழு தயார் நிலையில் உள்ளதாக குழந்தைகள் சிகிச்சைப் பிரிவுத்துறை தலைவர் சங்கரபாரதி தெரிவித்துள்ளார்.

இது குறித்து அவர் கூறுகையில், “விபத்துகளை தவிர்க்க குழந்தைகள் பட்டாசு வெடிக்கும் போது பெரியவர்கள் அருகில் இருக்க வேண்டும். பாதுகாப்பான முறையில் பட்டாசுகளை கையாள வேண்டும். 24 மணி நேரமும் குழந்தைகள் நல மருத்துவமனையில் சிகிச்சை அளிக்க மருத்துவர்கள் தயார் நிலையில் உள்ளனர்.

மேலும், தமிழ்நாட்டில் அரசு மருத்துவமனைகளிலும் குழந்தைகளுக்கு ஏற்படும் தீக்காய விபத்துகளில் சிகிச்சை அளிக்க தயார் நிலையில் உள்ளனர். எழும்பூர் குழந்தைகள் நல மருத்துவமனையில் காயங்களின் தன்மையை பொறுத்து சிகிச்சை அளிக்க ஏற்பாடு செய்யப்பட்டுள்ளது” என்றார்.

தீபாவளி பட்டாசு வெடிப்பு – கடைபிடிக்க வேண்டியவை என்னென்ன? (ETV Bharat Tamil Nadu)

தீக்காயத்தை உடனடியாக நீரில் கழுவ வேண்டும்

சென்னை கீழ்பாக்கம் அரசு மருத்துவக் கல்லூரி மருத்துவமனையில் தீக்காய உயர் சிகிச்சைப் பிரிவில் 25 படுக்கைகளுடன் சிறப்பு வார்டு அமைக்கப்பட்டுள்ளது. இது குறித்து தீக்காய விபத்து சிகிச்சை பிரிவின் இணை பேராசிரியர் தேன்மாெழி கூறும் போது, ”கடந்தாண்டு தீபாவளியின் போது 67 பேர் பாதிக்கப்பட்டு வந்தனர்.

இந்தாண்டு தீக்காயங்களுக்கு சிகிச்சை அளிப்பதற்கான வார்டு தயார் நிலையில் உள்ளது. மேலும், பிளாஸ்டிக் சர்ஜரியுடன் சிறப்பாக சிகிச்சை அளிப்பதற்கு ஏற்பாடு செய்யப்பட்டுள்ளது. 24 மணி நேரமும் மருத்துவர்கள் பணியில் உள்ளனர்.

தீக்காயம் ஏற்பட்டால் குழாய் நீரில் காயம்பட்ட இடத்தை கழுவ வேண்டும். காயத்தின் மீது மஞ்சள், கரி, மாவு போன்ற எந்தப்பொருளையும் போடக் கூடாது. காயத்தை கழுவி விட்டு அருகில் உள்ள மருத்துவமனையில் சிகிச்சை பெற வேண்டும்” என்றார்.