Blog

ஈரானுடன் கடந்த 7 மாதங்களுக்கும் மேலாகத் தொடர்ந்து வரும் போர் விரைவில் முடிவுக்கு வரும் என்று அமெரிக்க அதிபர் டொனால்ட் ட்ரம்ப் தெரிவித்துள்ளார்.

அமெரிக்காவில் வரவிருக்கும் இடைத்தேர்தலை முன்னிட்டு கன்சாஸ் நகரின் கே.சி.எம்.ஓ வானொலி நிலையத்துக்கு அளித்த பேட்டியில் அதிபர் ட்ரம்ப் கூறியதாவது: “ஈரானுடனான போர் விரைவில் முடிவுக்கு வரப்போகிறது. ஆனால், ஈரான் ஒருபோதும் அணுஆயுதத்தைத் தயாரிக்கவோ அல்லது கைப்பற்றவோ முடியாது என்பதற்கான உறுதியான உத்தரவாதம் அமெரிக்காவுக்கு தேவை. ஈரானிடம் அணுஆயுதம் இல்லாத நிலை உறுதி செய்யப்பட வேண்டும்” என்று தெரிவித்தார்.

நவம்பர் 3-ஆம் தேதி நடைபெறவுள்ள இடைத்தேர்தலுக்கு முன்பாக ஈரான் மீது அமெரிக்கா புதிய ராணுவத் தாக்குதல்களை நடத்தாது என ட்ரம்ப் முன்னதாகத் தெரிவித்திருந்தார். எனினும், தேர்தல் முடிந்த உடனேயே ஈரான் மீது மிகப்பெரிய அளவிலான ராணுவத் தாக்குதல்களை நடத்த மத்திய கிழக்கில் உள்ள அமெரிக்கப் படைகள் தயாராக இருக்குமாறு அறிவுறுத்தப்பட்டுள்ளதாகத் தகவல்கள் வெளியாகியுள்ளன.

அமெரிக்கா மற்றும் ஈரானுக்கு இடையே நிலவும் போர் பதற்றத்தைத் தணிக்கும் வகையில், கத்தார் பிரதமரின் மூத்த ஆலோசகர் தலைமையிலான தூதுக்குழு வெள்ளிக்கிழமை டெஹ்ரான் சென்றடைந்தது. அவர்கள் ஈரான் உயர் அதிகாரிகளுடன் அமைதிப் பேச்சுவார்த்தையில் ஈடுபட்டு வருகின்றனர்.

அதேவேளையில், அமெரிக்கா தனது கடற்படை முற்றுகையைத் திரும்பப் பெற வேண்டும் மற்றும் தங்கள் மீது விதிக்கப்பட்டுள்ள பொருளாதாரத் தடைகளை நீக்க வேண்டும்; அப்போதுதான் முறையான அமைதிப் பேச்சுவார்த்தை சாத்தியமாகும் என்று ஈரானின் உயர்மட்டத் தலைவர் மொஜ்தபா காமேனி மீண்டும் வலியுறுத்தியுள்ளார்.

தேனியில் சிறைக் கைதிகள் தப்பிய சம்பவம் தமிழக அரசியலில் பெரும் சலசலப்பை ஏற்படுத்திய நிலையில், பொறுப்பு சிறை கண்காணிப்பாளரை பணியிடை நீக்கம் செய்தும், சிறைத் துறை அலுவலர்களை பணியிட மாற்றம் செய்தும் தமிழக முதல்வர் விஜய் உத்தரவிட்டுள்ளார்.

இது தொடர்பாக வெளியாகியுள்ள அரசு செய்திக் குறிப்பில், “தேனி மாவட்டச் சிறையில் 26.10.2026 அன்று இரவு சிறையில் அடைக்கப்பட்டிருந்த 17 கைதிகள், பாதுகாப்புப் பணியில் ஈடுபட்டிருந்த சிறைக் காவலர்களைத் தாக்கிவிட்டு சிறையிலிருந்து தப்பிச் சென்றனர்.

இச்சம்பவம் குறித்து தகவலறிந்த காவல் துறையினர் துரிதமாகச் செயல்பட்டு, தப்பிச் சென்ற 17 கைதிகளையும் மீண்டும் கைது செய்து, சிறையில் அடைத்தனர்.

இச்சம்பவத்தைத் தொடர்ந்து, சிறை நிர்வாகத்தில் ஏற்பட்ட பாதுகாப்புக் குறைபாடுகள், கண்காணிப்புப் பணிகளில் நிலவிய மெத்தனப்போக்கு மற்றும் பணியில் ஏற்பட்ட கவனக்குறைவு ஆகியவை குறித்து கடுமையான நடவடிக்கை மேற்கொள்ள முதல்வர் விஜய் உத்தரவிட்டுள்ளார்.

அதன்படி, தேனி மாவட்டச் சிறையில் 06.08.2024 முதல் சிறைக் கண்காணிப்பாளர் பொறுப்பை கூடுதலாகக் கவனித்து வந்த துணைச் சிறை அலுவலர் ந. நாகேஸ்வரன், சிறைக் கைதிகள் மற்றும் பணியாளர்கள் மீதான கண்காணிப்பு மற்றும் கட்டுப்பாட்டுப் பணிகளில் உரிய கவனம் செலுத்தத் தவறியதற்காக, தமிழ்நாடு குடிமைப் பணிகள் (ஒழுங்கு மற்றும் மேல்முறையீடு) விதிகளின்படி, 30.10.2026 முதல் மறு உத்தரவு வரும் வரை பணியிடை நீக்கம் செய்யப்பட்டுள்ளார்.

மேலும், சிறை நிர்வாகத்தில் கண்காணிப்பு, பொறுப்புடைமை மற்றும் பாதுகாப்பு நடவடிக்கைகளை வலுப்படுத்தும் வகையில், மதுரை மத்தியச் சிறைக் கண்காணிப்பாளர் ஆர். கிருஷ்ணராஜ் சேலம் மத்தியச் சிறைக் கண்காணிப்பாளராக பணியிட மாற்றம் செய்யப்பட்டுள்ளனர்.

சிறைகளில் பாதுகாப்பு மற்றும் கண்காணிப்புப் பணிகளில் எவ்விதத் தொய்வும் ஏற்படாத வகையில், சிறைத் துறை அலுவலர்கள் தங்களது பொறுப்புகளை முழு கவனத்துடனும் விழிப்புணர்வுடனும் மேற்கொள்ள வேண்டும் என்றும், பணியில் மெத்தனமாகவோ, கவனக்குறைவாகவோ செயல்படும் அதிகாரிகள் மீது கடுமையான நடவடிக்கை மேற்கொள்ளப்படும் என்றும் தெரிவித்துள்ளார்.

விக்​சித் பாரத் திட்​டத்​தின் ஒரு பகுதி​யாக நாடு முழு​வதும் உள்ள அரசு மருத்​து​வ​மனைகள், ஆரம்ப சுகாதார மையங்​களை இல​வச​மாக பராமரிக்க தயாராக இருப்பதாக அப்​போலோ குழும தலை​வர் பிரதாப் சி ரெட்டி தெரி​வித்​தார்.

அப்​போலோ மருத்​துவ குழு​மத்​தின் தலை​வர் பிரதாப் சி ரெட்டி ஆந்​திர மாநிலம், சித்​தூர் மாவட்​டத்​தில் உள்ள அவரது சொந்த ஊரான அரகொண்​டாவில் நிறு​வப்​பட்​டுள்ள அப்​போலோ மருத்​து​வ​மனை​யின் சாதனையை பாராட்டி பேசினார். தனது சொந்த ஊர் மக்​களுக்​காக கடந்த 2000-ம் ஆண்டு தொடங்​கப்​பட்ட இந்த மருத்​து​வ​மனை​யில் இது​வரை 1,000 பேருக்கு மூட்டு அறுவை சிகிச்​சைகள் செய்து சாதனை படைத்​துள்​ள​தாக அவர் தெரிவித்தார்.

மேலும், அவர் பேசிய​தாவது: இந்த குக்​கிராமத்​தில் பிறந்து வளர்ந்த நான், மக்​களுக்கு மருத்​துவ துறை​யில் சேவை செய்ய வேண்​டும் எனும் உயர்ந்த நோக்​கத்​தில் அப்​போலோ மருத்​து​வ​மனையை தொடங்​கினேன்.

தற்​போது 200-க்​கும் மேற்​பட்ட மருத்​து​வ​மனைகள் உள்​ளன. 7 மருத்​துவ கல்​லூரி​கள், சித்​தூரில் அப்​போலோ பல்​கலைக்​கழகம், செவி​லியர் பயிற்சி கல்​லூரி உள்ளிட்ட​வை​கள் அமைக்​கப்​பட்​டன.

மேலும் சித்​தூர் அரசு மருத்​து​வ​மனையை 33 ஆண்​டுகள் ஒப்பந்தத்​துக்கு எடுத்து, தற்​போது 650 படுக்கை வசதி கொண்ட அதிநவீன மருத்​து​வ​மனையாக இது செயல்​பட்டு வரு​கிறது. முதல்வர் சந்​திர​பாபு நாயுடு இதற்கு கடந்த 10 ஆண்​டுகளுக்கு முன் அனுமதி வழங்​கினார். இங்கு இல​வச​மாக மக்​கள் மருத்​துவ வசதியை பெற்று வரு​கின்​றனர். ஆரோக்​கிய​மான இந்​தியா என்பது பெரு நகரங்​களில் மட்​டுமல்​லாது குக்​கிராமங்​களி​லும் கட்டமைக்​கப்​பட வேண்​டும் என்​பதே என் கருத்து.

சுகாதா​ர​மான இந்​தி​யா​வுக்​காக விக்​சித் பாரத் திட்​டத்​தின் கீழ் அப்​போலோ தனது சேவையை நாடு முழு​வதும் அமல்​படுத்த நினைக்​கிறது. இது தொடர்​பாக நான் பிரதமர் நரேந்​திர மோடியை சந்​தித்து 2 திட்​டங்​களை முன்வைத்​தேன்.

அதில் முதலா​வது, வெளி​நாட்​ட​வர்​கள், அல்​லது வெளி​நாடு வாழ் இந்தியர்​கள், நம் நாட்​டுக்கு வரும்​போது, மருத்​துவ பரிசோதனை மற்றும் அறுவை சிகிச்சை போன்​றவற்றை அப்​போலோவில் எடுத்து கொள்​ளும் பட்சத்​தில் அவர்​களுக்கு விரைந்து மருத்​துவ சேவையை செய்து தரு​வோம். அடுத்​த​தாக, விக்​சித் பாரத்திட்​டத்​தின் ஒரு பகுதி​யாக நாடு முழு​வதும் உள்ள அரசு மருத்துவமனைகள், ஆரம்ப சுகாதார மையங்​களை அப்​போலோவுக்கு சில ஆண்​டுகள் ஒப்​பந்த அடிப்​படை​யில் வழங்கினால், அவற்றை நவீனப்​படுத்தி, மக்​களுக்கு இல​வச​மாக சிறந்த மருத்​துவ சேவையை வழங்​கு​வோம். இவ்​வாறு அவர் பேசினார்.

பத்ரிநாத்தில் இருந்து டேராடூனுக்கு சென்று கொண்டிருந்தபோது காணாமல் போன ஹெலிகாப்டரில் பயணித்த 6 பேரும் இறந்துவிட்டதாக உத்தராகண்ட் சிவில் விமான போக்குவரத்து மேம்பாட்டு ஆணையம் தெரிவித்துள்ளது.

உத்தராகண்ட் சிவில் விமான போக்குவரத்து மேம்பாட்டு ஆணையத்தின் தலைமை நிர்வாக அதிகாரி பிரதீக் ஜெயின் ஏஎன்ஐ செய்தி நிறுவனத்திடம் தொலைபேசி வாயிலாக இதனை தெரிவித்துள்ளார்.

மேலும் அவர், ‘டிரான்ஸ் பாரத் ஏவியேஷன் நிறுவனத்துக்குச் சொந்தமான அந்த ஹெலிகாப்டர் பத்ரிநாத் கோயிலில் இருந்து டேராடூனில் உள்ள சகஸ்தரதாரா ஹெலிபேடுக்குச் சென்று கொண்டிருந்தபோது, சமோலி மாவட்டத்தின் ஹாத்தி பர்வதம் பகுதியில் விபத்துக்குள்ளானது. இதில், விமான மற்றும் ஐந்து பயணிகள் என மொத்தம் ஆறு பேர் இருந்தனர். அவர்கள் அனைவரும் விபத்தில் உயிரிழந்துவிட்டனர்’ என தெரிவித்துள்ளார்.

முன்னதாக, விபத்துக்குள்ளான ஹெலிகாப்டரை கண்டுபிடிக்க, போலீஸார், மாநில பேரிடர் மீட்புப் படை, ராணுவம் ஆகியவை அடங்கிய இரண்டு குழுக்கள் அனுப்பிவைக்கப்பட்டன.

இந்த ஹெலிகாப்டரை டெல்லியைச் சேர்ந்த கேப்டன் ஹிமான்ஷு சபர்வால் இயக்கியுள்ளார். இதில், பிரதாபா, அருண், சங்கர் கவுடா, சுதிர் கே, ஹெச்.எஸ்.நடராஜா ஆகிய பயணிகள் பயணித்துள்ளனர். பயணிகள் அனைவரும் பெங்களூருவைச் சேர்ந்தவர்கள் என்பது குறிப்பிடத்தக்கது.

திமுக முன்​னாள் அமைச்​சர் கே.என்.நேரு மீது ரூ.634 கோடி ஊழல் புகார் தொடர்​பாக, தமிழகம் முழு​வதும் அவருக்​கும் அவருடன் தொடர்​புடைய​வர்​களுக்​கும் சொந்​த​மான 25 இடங்​களில் லஞ்ச ஒழிப்​புத் துறை போலீ​ஸார் நேற்று திடீர் சோதனை நடத்​தினர். இதில், பல்​வேறு முக்​கிய ஆவணங்​கள் பறி​முதல் செய்​யப்​பட்​ட​தாகத் தகவல் வெளியாகி உள்​ளது.

கடந்த திமுக ஆட்​சிக் காலத்​தில், நக​ராட்சி நிர்​வாகம், குடிநீர் வழங்​கல் துறை​யில் சாலை உள்​ளிட்ட கட்​டு​மானப் பணிகளுக்கு ஒப்​பந்​தம் வழங்​கியதில் முறைகேடுகள் நடை​பெற்​றுள்​ளது. அரசுப் பணி​யிடங்​களை நிரப்ப லஞ்​சம் பெறப்​பட்​டுள்​ளது என்று புகார்​கள் எழுந்​தன. இதுதொடர்​பாக வழக்​குப் பதிவு செய்ய தமிழக லஞ்ச ஒழிப்​புத் துறைக்கு, மத்​திய அரசின் அமலாக்​கத் துறை 2 கடிதங்​களை அனுப்​பியது.

முதல் கடிதத்​தில், நக​ராட்சி நிர்​வாகத் துறை​யில் ரூ.1,020 கோடி அளவுக்கு ஒப்​பந்த முறைகேடுகள் நடை​பெற்​றதாகக் கூறி விசா​ரணை நடத்த வலியுறுத்​தப்​பட்​டது. அதனுடன் 252 ஆதார ஆவணங்​களும், 300 புகைப்​படங்​களும் இணைக்​கப்​பட்​ட​தாகத் தெரி​விக்​கப்​பட்​டது.

தமிழகத்தில் புதிதாக 8 தொழில் நிறுவனங்களுக்கு அனுமதி

தமிழகத்தில் சாதிவாரி கணக்கெடுப்பு நடத்த உயர் நீதிமன்ற முன்னாள் நீதிபதி தலைமையில் ஆணையம் அமைக்க முதல்வர் விஜய் தலைமையிலான அமைச்சரவைக் கூட்டத்தில் முடிவெடுக்கப்பட்டுள்ளது. தமிழகத்தில் புதிதாக தொழில் தொடங்க 8 நிறுவனங்களுக்கு அனுமதி வழங்கப்பட்டுள்ளது.

தவெக அரசின் 3-வது அமைச்சரவைக் கூட்டம் முதல்வர் விஜய் தலைமையில் சென்னை தலைமைச் செயலகத்தில் நேற்று நடைபெற்றது. வெளிநாடுகளுக்கு அரசுமுறைப் பயணம் சென்றுள்ள அமைச்சர்கள் அருண்ராஜ், டி.கே.பிரபு ஆகிய இருவர் தவிர மற்ற அனைத்து அமைச்சர்களும் கூட்டத்தில் பங்கேற்றனர்.

இதில் புதிய தொழில் முதலீடுகள், முஸ்லிம் இடஒதுக்கீடு, சாதிவாரி கணக்கெடுப்பு, தாழம்பூர் புறம்போக்கு நிலப் பிரச்சனை, வடகிழக்கு பருவமழை நடவடிக்கைகள் உட்பட பல்வேறு அம்சங்கள் குறித்து விரிவாக விவாதிக்கப்பட்டது. 8 நிறுவனங்களுக்கு தொழில் தொடங்க அனுமதி, சமூகநீதி கணக்கெடுப்புக்கு ஆணையம் அமைத்தல் போன்ற சில திட்டங்களுக்கு ஒப்புதல் வழங்கப்பட்டுள்ளது. புதிய தலைமைச் செயலகம், பேட்டரி ஆற்றல் சேமிப்பு அமைப்பு (BESS) கொள்கை குறித்து ஆலோசிக்கப்பட்டதாகவும் தெரிகிறது.